September 20, 2012

#FictionalLetter:Chalo ek baar phir TUM aur MAI, ek baar phir HUM hoo jaaye..


Poonam, ek bura insaan tha mai..tumne mujhe ek behtar insaan bana diya. Mai phir se bigadna nahi chahta, wapas aa jaao na..

Mai bahut prem karta hoon tumse, nahi reh pauga ab tumhaare bina. Maan jaao na yaar, maan jaao na please, warna agle saat janmo tak jaha-jaha jaaogi, waha-waha peecha karuga. Aur agar maan gayi toh jaha jaha tum jaane ki baat karti thi saath chaulga..

Tumhaare liye bed tea banauga..wada karta hu office se roz jaldi ghar aauga. Weekend par dariya kinaare lehro ko ginenge, suraj saath mein doobta dekhege..

Agar kabhi ladai hui bhi toh raat mein sone se pehle ek dusre ko mana lenge...Achcha baba theek hai mai khud tumhe sorry bol diya karuga. Agar kahogi toh kaan bhi pakad loonga. Uthak baithak na karwaana pls, aaj kal zara kamar mein dard badh gaya hai, tum jo nahi hoo Moov lagaane ke liye..

Wada karta hu newspaper yaha waha nahi rakhuga. Tumhaare favorite yellow cushion par nahi baithuga. Agar galti se baith jaau toh tum mujhe daatna, mai gussa hokar TV ka volume tez nahi karuga.

Geela towel bed par nahi rakhuga..

Sabji mein namak kam ya jayada hoga, tab bhi tumhe daatuga nahi..chupchaap khaa loonga..

Deewaaro par kaunsa color karwaana hai woh tum decide karna..

Raat mein sofa par left side baithkar tumhaare saath tumhara mann pasand serial 'Bade Achhe Lagte Hai' dekhuga..TV remote par tumhaara kabja hoga. Promise tumhe channel change karne ko nahi kahuga...Discovery, TLC ya phir National Geographic channels bilkul nahi dekhuga, jaanta hu tumhe saanp, chipkaliyon se darr lagta hai..ye bhi jaanta hu tumhe kisi sher ko hiran ka shikaar karte hue dekhna pasand nahi. Agar kabhi raat mein tum mujhe Youtube par 'Bidaai' serial ke puraane episodes dikhaaogi na toh mai light band karke kamre mein sone nahi jaauga..

Tumne kaha tha na iss baar hum apne ghar Ganpati laayege..dekho na Poonam Ganesh Chaturti aa kar chali gayi..maine kal tumhe call kiya tha par tumhaara phone coverage area mein nahi tha..SMS bhi kiya tha, shayaad tumhe deliver nahi hua hoga.. 

Mai tumhaare bina behad bebas, majboor, mahkoom hoon. Mai jaanta hoon, tum ab shayaad mujhse milna toh dur mera chehra bhi nahi dekhna chahti hoo, isi liye zara dara sehma sa mai ye blog-post likh raha hu.. Mujhe pata hai tum mera blog din mein 1 baari zaroor check karti hoo. Karti hoo na?..

Phir ek baar 'tum' aur 'mai' ko peeche chhod kar 'hum' hona chhata hu..wada karta hu 'Tum Aur Mai Hamesha Hum Rahege'...janmo janmo tak..

Tum meri zindagi ki markaz thi, hoo aur hamesha rahogi. Laut aao na Poonam...inkaar na karna...puraane waqt ki khaatir...woh waade woh kasmo ki khaatir..

Tumhaara,
Prem..

NOTE: All the mentioned incidents and places  above are ficticious nothing to do with reality.



Copyright © 2012 - ScrutinyByKHimaanshu

11 comments:

Anonymous said...

omg such a sweet n amazing post

Anonymous said...

hehehe..... nice post....

Kumar said...

Ladki ya Aurat jaisi h accept karlo vo aapko sudhar ya bigad sakti h but aap usko sudhar nahi saktay...ha bigad saktay h

Anonymous said...

cute one...

simran

Anonymous said...

wow such a cute post...very nice one

Aarti said...
This comment has been removed by the author.
Aarti said...

Hehehe... beautifully composed...

Anonymous said...

apratim prem

Anonymous said...

Awwww chooo cute

kassh koi ladka mujhe aise pyaar karta

Anonymous said...

:'( i m crying after reading this

Anonymous said...

Shit man i literately cried

Post a Comment

RSSChomp Blog Directory