Mera Motapa!..

Mai mota hoo raha hoo, mera pet bahar nikalne laga hai, gaal folne lage hai..bahut dino se iss baat ko juthla raha tha, par ab jaanta hoo isse bada sach koi nahi duniya me..

Maine bahut bahane bana liye ki mai mota kyun hoo raha hoo. .par sach to ye hai ki mai atram patram khaata hoo, aur dher saara khaata hoo...shayaad yehi karaan hai iss padhte motape ka...


Pata hai badhte hue motape se ladna kina difficult hota hai..Aisa lagta hai jaise apni hi body se dusmani mol li hoo.. :(

Maine toh boss sab try karke dekh liya..ghaas phoos try karke dekha, fir morning walk bhi kiya..yaar mere hisab se ghar par adha pauna ghanta aur sona makes more sense na?

Kuch mahine pehle excitement me ek torcher chamber bhi join kiya..Torcher chamber nahi samje?..arre matlab GYM.

U know what 6 mahine ka advance payment bhi kar diya..Kabhi kabhi jaata bhi hoon gym..par pata nahi regularly jaane ka chance hi nahi mila kabhi..

Waise ye exercise-wxersie to mere hisab se Hitler ne banaya hoga, kyunki kisi bhi insaan ke liye aisi dukhdaayak cheez nahi dekhi maine..

Maine na..Ashtanga, Power Yoga, Pranayam..ye aayam woh aayam sab karke dekha...

Then Protein diet...ye wali diet, woh wali diet. uff pata nahi kaun kaun si diets ki..but it didn't work yaar..

Koi mujhe zara ye bataaye ki iss me meri kya galti hai agar mai iss bhokmari aur gym me badan dukhane ki zindagi se behtar vada-pav, samoshe, chattar pattar, parathe with butter prefer karta hoo toh..Aur subah utha ke kisi park ke gol-gol ghoomne se jayada, ek ghanta aur soo kar, sapne dekh kar, aur fir utha kar aaloo ke butter wale parathe khaa kar zinda rehne ka sochta hoo..

Pata hai aap sab sochoge iski tummy ke jaisi iski akal bhi moti lagti hai..hai na?..Par I promise I will try to reduce my tummy..sacchi-mucchi mein I promise..gol-gappa promise..

Aalsi Nikhaatu Nikamma Nakaara...
-K Himaanshu Shukla..